(( ظالمنــــــــي ))

عزاي لقلب يسهـر الليـل وينـوح
ويطوح الونـات صبـح وعشيـة
بيحت سدي ياملا صرت مفضـوح
بامر اللـذي خـلا حياتـي شقيـة
ياصاحبي مالك من الظلم مصلـوح
من جور حكمك شوف حالي ردية
انا عطيتك مهجة القلـب والـروح
واهديت لك كـل المشاعـر هديـة
عرفت فيني لهجة السـر والبـوح
صادق صدوق وصادق الـود فيـه
الوقت ذابحني وانا منـك مذبـوح
لقيت طعناتـك مـع الوقـت ميـة
قلبي كسير وخاطري منك مجروح
وشلـون تقسـى ياحبيبـي عليـه
هين جروح الناس اوقات واتـروح
لكن من الغالـي تراهـا قويـة ؟!
ظلمتني يازين مسمـوح مسمـوح
هجرتني من دون ذنـب وخطيـة
مجبور اسامح والخطامنك مدمـوح
عين الرضى عن كل خل رضيـة
هذي وصاتي لـ رمش العين بوضوح
وما رضى فاقروا علـي التحيـة